PCCS Garment
WRC បានផ្ដួចផ្ដើមការវាយតម្លៃលើរោងចក្រ PCCS Garment ជាកិច្ចឆ្លើយតបជាមួយពាក្យបណ្ដឹងរបស់កម្មករនិយោជិតដែលចោទប្រកាន់អំពីការរំលោភបំពានក្នុងវិស័យសុខភាព និងសុវត្ថិភាពការងារ ក៏ដូចជាការប្រើប្រាស់កិច្ចសន្យាការងាររយៈពេលខ្លីច្រើនហួសប្រមាណ។ ទាក់ទងជាមួយកិច្ចសន្យារយៈពេលខ្លីនេះ ការស៊ើបអង្កេតរបស់ WRC បានរកឃើញថា រោងចក្រ PCCS Garment បានចាប់ផ្ដើម ក្នុងឆ្នាំ២០០៣ ដោយជួលនិយោជិតផ្នែកផលិតកម្មថ្មីទាំងអស់ប្រើប្រាស់កិច្ចសន្យាបណ្ដោះអាសន្នរយៈពេល ២ ឬ៣ខែ។ នៅពេលកិច្ចសន្យាដល់កាលកំណត់ កម្មករនិយោជិតត្រូវបានណែនាំឱ្យឈប់សម្រាបពីរោងចក្ររយៈពេលជាច្រើនថ្ងៃ ហើយពេលពួកគេវិលត្រឡប់មកវិញ ពួកគេបានទទួលកិច្ចសន្យារយៈពេលខ្លីថ្មីមួយ ព្រមជាមួយលេខកូដសម្គាល់អត្តសញ្ញាណនិយោជិតថ្មី។ ការអនុវត្តនេះគឺស្មើនឹងការចាត់ចំណាត់ប្រភេទនិយោជិតផលិតកម្មអចិន្ត្រៃយ៍ក្នុងចំនួនច្រើនឱ្យខុសប្រភេទទៅជាពលករកិច្ចសន្យារយៈពេលខ្លី គឺបានប៉ះពាល់ធ្វើឱ្យជាការបដិសេធសិទ្ធិ និងអត្ថប្រយោជន៍ជាច្រើនដែលកម្មករនិយោជិតទាំងអស់នេះ ត្រូវមានសិទ្ធិទទួលបាននៅក្រោមច្បាប់កម្ពុជា និងក្រមប្រតិបត្តិរបស់សាកលវិទ្យាល័យ។ ការប្រើប្រាស់បំពានលើការរៀបចំពលកម្មតាមកិច្ចសន្យាទាំងនេះ ក្លាយជារឿងសាមញ្ញកាន់តែច្រើនឡើងនៅក្នុងរោងចក្រនាំចេញសម្លៀកបំពាក់ជាច្រើន ហើយគឺជាកង្វល់ ជាពិសេសចំពោះការពិនិត្យតាមដានសិទ្ធិការងារ។
ការវាយតម្លៃក៏បានកំណត់ឃើញការរំលោភបំពានក្នុងវិស័យសុខភាព និងសុវត្ថិភាព ការបៀតបៀន និងការប្រើប្រាស់បំពាន និងអត្ថប្រយោជន៍ដែលត្រូវបានកំណត់ដោយច្បាប់។ រោងចក្រ PCCS Garment បានកែលម្អមានវឌ្ឍនភាពជាច្រើនក្នុងវិស័យនីមួយៗខាងលើ។ ចំណុចគួរជាទីកត់សម្គាល់ទាក់ទងជាមួយបញ្ហាកិច្ចសន្យារយៈពេលខ្លី រោងចក្របានព្រមព្រៀងកាលពីឆ្នាំទៅថានឹងបញ្ឈប់ការអនុវត្តក្នុងការប្រើប្រាស់កិច្ចសន្យាបណ្ដោះអាសន្នសម្រាប់កម្មករនិយោជិតអចិន្ត្រៃយ៍សម្រាប់ផលិតកម្ម។ តាំងពីពេលនោះមក រោងចក្របានបង្វែរកិច្ចសន្យារយៈពេលខ្លីភាគច្រើន ទៅជាកិច្ចសន្យាការងារទៀងទាត់ដែលផ្ដល់លទ្ធផលធ្វើឱ្យមានការកែលម្អប្រកបដោយអត្ថន័យលើប្រាក់ឈ្នួល អត្ថប្រយោជន៍ និងសន្ដិសុខការងារសម្រាប់កម្មករនិយោជិតប្រមាណ ១០០០នាក់ដែលត្រូវបានចាត់ប្រភេទខុសថាជាពលករកិច្ចសន្យា។ រោងចក្រក៏បានកែលម្អគួរជាទីកត់សម្គាល់បញ្ហាសុខភាព និងសុវត្ថិភាពដែលត្រូវបានកំណត់ឃើញដោយការវាយតម្លៃ និងបានចាត់វិធានការដើម្បីទប់ស្កាត់ការប្រើប្រាស់ពាក្យសម្ដីរំលោភបំពានពីសំណាក់ប្រធានក្រុម។
Read More:
- WRC Findings, Recommendations, and Status Report – January 15, 2008
- WRC Factory Assessment Update – December 19, 2006
Related links: The following links provide related materials and information from other organizations. Please note that the WRC does not necessarily endorse the content of these pages and cannot vouch for their accuracy.
Join our newsletter
Sign up to the WRC’s mailing list to stay updated on our work.